Link açıqlığı

İyül 15-23 künleri Odessada Halqara kinofestival keçirilecek, onıñ çerçivesinde qırımtatar yaş rejissörı Nariman Aliyevniñ «Sensiz» filmi taqdim etilecek. Bu aqta malümat festival saytında bildirile.

Rejissörnıñ Qırımda çıqarılğan qısqa filmi Palm-Springs (Amerika Qoşma Ştatları) şeerinde keçirilgen 22-ci halqara qısqa film festivaliniñ konkurs programmasına kirsetildi. Qışta ise, film 66-cı Berlin halqara kinofestivaliniñ gençler programmasında taqdim etildi.

Odessa Halqara kinofestivali çerçivesinde «Altın nehl dalı» mükâfatını alğan Ken Louçnıñ «Men, Deniel Bleyk» içtimaiy draması ve «Altın ayuv» mükâfatını alğan Canfranko Roziniñ «Ateşte deñiz» vesiqalı filmi de kösterilecek.

Bu sene endi yedinci Odessa kinofestivali keçirilecek, onıñ esas maqsadı ukrain kinosını inkişaf etmektir. Halqara konkurs programmasına bütün dünyadan filmler, hususan, halqara ya da milliy premyeralar kirsetilgen. Seyircilerge dünyanıñ 35 devletinden 100 film taqdim etilecek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG