Link açıqlığı

6 metr keñliginde, 39 metr uzunlığında qırımtatar bayrağı Kiyevge ketirildi ve iyün 26-da keçirilecek yürüş içün azırlanıldı. Bu aqta Qırımtatar Milliy Meclisiniñ azası Riza Şevkiyev Facebook saifesinde bildirdi.

Bayraq Türkiyede yapıldı, onıñ üstünde qırımtatarlarnıñ timsali olğan bir qaç tamğa kösterilgen.

«O (bayraq – QA) Bogdan Hmelnitskiy ve Kreşatik soqaqlarınıñ çatışmasında köterilecek ve Mustaqillik Meydanına qadar alıp ketirilecek, mence, bu Qırım işğaline barışılmamazlıqnı ve dünya toplulığına tecavuzcığa qarşı, Ukraina territoriyalarınıñ tolusınen azat etilmesine qadar, siyasiy-iqtisadiy küreşni devam etmek çağıruvını timsal ete», – dep yazdı Şevkiyev.

Qırımtatar bayrağı künü bir qaç yıl evel Qırımda qayd etilip başladı. Bayram künü, 1991 senesi iyün 26-27 künleri Aqmescitte keçirilgen ekinci Qırımtatar Qurultayınıñ ilk künü olğan kün belgilendi.

Qırımtatar bayrağı, üstünde altın tamğa olğan kök tüsteki ketenden ibarettir.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG