Link açıqlığı

AQŞ: Ğarbiy Virginiada suv basuvı neticesinde eñ azdan 14 insan elâk oldı


Amerikalı Ğarbiy Virginia ştatında suv basuvı neticesinde eñ azdan 14 insan elâk oldı. Ükümetniñ bildirgen malümatına binaen, elâk olğanlar arasında dört ve sekiz yaşındaki balalar da bar.

Bildirilgenine köre, furtuna ve şiddetli yağmurlar neticesinde yüksek suv seviyesi sebebinden regionda çoq bozulmalar oldı. 55 okrugdan 44-te endi fevqulade vaziyet ilân etildi.

Elde etilgen malümatqa binaen, 100-den ziyade ev bozuldı, çoq bina zararlandı.

Qurtarıcılar bir ticaret merkezinde blok etilgen tahminen 500 adamnı çıqardı.

Felâket tuzağına oğrağan adamlarnıñ qıdırıluvı devam ete, Amerika Qoşma Ştatları Milliy gvardiyasınıñ tahminen 200 askeri celp etildi.

XS
SM
MD
LG