Yaqın üç kün içinde Keriç parom keçiti ava vaziyeti sebebinden işini toqtata bile.
Bu aqta malümat «Deñiz müdirligi» («Morskaya direktsiya») şirketiniñ saytında bildirile.
«İyün 24-te ve, tahminlerge köre, nevbetteki üç kün devamında keçitte ava vaziyetiniñ kerginleşmesi beklenile», – dep aytıla beyanatta.
İş toqtatması aqqında şimdilik malümat yoq, iyün 23-ten 24-ke keçer gecesi parom keçiti ştat rejiminde çalıştı.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
