Link açıqlığı

Saatnıñ esas haberi

Keriçteki «Qırım qapısı» nasıl olacağı aqqında qarar alındı – Georgiy şeriti ile rusiyeli tuğra


Rusiyege boysunğan Qırım ükümetiniñ Qurucılıq ve mimarcılıq nazirligi Keriçte «Qırım qapısı» abide kompozitsiyasınıñ eñ yahşı eykel kompozitsiyası (taslaq leyhası) yarışını keçirdi. Taqdim etilgen 4 taslaqlardan Moskva eykelcisiniñ işi ğalebe qazandı, bu yerde qartallarnen, Georgiy şeriti ve grifon ile Rusiye tuğrası kösterile.

Bu aqta Qırım nazirliginiñ matbuat hızmeti bildire.

«Yarışta taqdim etilgen bütün işler yüksek professional seviyede yapıldı ve jüri azalarınıñ yüksek baalarını aldı».

Yarış ğalibi Moskva eykelcisi, professor, RAH akademigi, Rusiye Federatsiyası halq ressamcısı Salavat Şerbakovnıñ işi oldı.

Bu onıñ bu kibi Qırım yarışlarında ilk ğalebesi degil. Hususan, onıñ leyhası bu sene Aqmescitte açılğan «Nezaketli insanlar» abidesi ve sürgünlik qurbanlarına bağışlanğan memorial yapılmasında qullanıldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG