Link açıqlığı

Avropa parlamenti Britaniyadaki referendum neticelerine qıymet kesmek içün fevqulade sessiyağa toplaşacaq


Martin Şults

Büyük Britaniya keçirilgen referendum neticesinde Avropa Birligi terkibinden çıqmaq qararını alğan soñ, 27 aza-devleti, avropalı liderlerniñ fikrince, Avropa Birliginiñ işi eyileşmesi ve evronıñ bazar sarsıntılarından saqlanması boyunca qararlarnı qabul etmek kerek. Bu aqta, hususan, Avropa parlamentiniñ reisi Martin Şults ilân etti, dep bildire Radio Svoboda.

Onıñ qayd etkenine köre, iyün 28-de Avropa parlamenti Büyük Britaniyada keçirilgen referendumnıñ neticelerine qıymet kesmek ve onıñ Avropa Birliginden çıqması boyunca qarar qabul etmek içün fevqulade sessiyağa toplaşacaq.

Avropa Şurası reisi Donald Tusk, öz tarafından, Büyük Britaniyanıñ Avropa Birliginden çıqması aqqında resmiy malümat alınğan soñ «yayğaralı» reaktsiyalardan saqt olmağa çağırdı.

«Bugün 27 lider adından, biz 27 olaraq birligimizni saqlamağa niyetlengenimizni ayta bilem», – dep ilân etti Tusk ve qayd etti ki, bu «tarihiy bir vaqia, amma, kerçekten, bu yayğaralı reaktsiyalar içün vaqia degil».

İyün 23-te keçirilgen Britaniya referendumı reyleriniñ sayılması Avropa Birliginden çıqmaq tarafdarlarınıñ sayısı 52 fayız teşkil etkenini, bu ise 16 yarım million kişi, ve Avropa Birliginiñ azası olmaq tarafdarlarınıñ sayısı 48 fayız teşkil etkenini kösterdi.

Avropa Birliginiñ azası olmaqnıñ tarafdarı Büyük Britaniya baş naziri Devid Kemeron üç aydan soñ istifağa çıqacağını ilân etti.

XS
SM
MD
LG