Link açıqlığı

İyün ayında «Ukrpoçta» müessisesi Rusiye tarafından işğal etilgen yarımadanıñ eñ belli itibarğa lâyıq mimarcılıq yerlerinden birine bağışlanğan «Qırım – bu Ukraina. Yalta. Qarılğaç yuvası» poçta zarfını çıqardı.

Bu aqta «Ukrpoçta» matbuat hızmeti bildire.

Zarflar 100 000 nushada derc etildi.

Beyanatta bildirilgenine köre, poçta müessisesi, yarımadanıñ eñ parlaq köşelerini kösterip, Qırım mevzusına bağışlanğan resimlernen zarflar çoq kere çıqarğan.

XIX asırnıñ soñunda 40 metrlik Ay-Todor dağında qurulğan «Qarılaç yuvası» isarı er vaqıt bütün dünya turistleriniñ diqqatını celp ete edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG