Link açıqlığı

Ukraina milliy cıyma futbol taqımınıñ baş idmancısı Mihail Fomenko istifağa çıqmaq içün ariza berdi, dep bildire Ukraina Futbol federatsiyasınıñ matbuat hızmeti.

«Ögümizdeki vazifeni becermegen olsaq, işbirlikni devam etmekniñ manası ne? Men netice olmağanı içün mesüliyetni öz boynuma alam ve istifağa çıqam. Bunen beraber, Futbol federatsiyasına çalışma ve Avropa çempionatına azırlıq içün şarait qurğanı içün minnetdarım. Er şey yüksek seviyede edi. Ukraina Futbol federatsiyasına işbirlik içün teşekkür bildirem, ve ukrain mühlislerinden, olarnıñ beklegenini ömürge keçirmegenim içün, afu soramağa isteyim», – dedi Fomenko.

«Euro-2016» yarışında oyun neticeleri boyunca Ukraina, gruppa turniriniñ bütün üç körüşüvinde yutquzıp ve iç bir gol urmayıp, gruppada soñki yer aldı.

XS
SM
MD
LG