Link açıqlığı

İyün 22-de Avropa ve Avrasiya işleri boyunca Amerika Qoşma Ştatları devlet kâtibiniñ muavini Viktoriya Nuland Ukraina prezidenti Petro Poroşenko ile körüşti.

Ukrainada AQŞ elçiliginiñ matbuat hızmetiniñ bildirgenine köre, taraflar islâat kün mevzusını ve Minsk añlaşmalarınıñ ömürge keçirilmesini muzakere etti, dep bildire Radio Svoboda.

«Tavsilâtlı ve konstruktiv mesleatlarda subetdeşler amerikalı eyyetniñ iyün 23-te Moskvağa ziyareti arfesinde Minsk añlaşmalarınıñ havfsızlıq talaplarına diqqat etti», – dep aytıla beyanatta.

AQŞ elçiliginiñ qayd etkenine köre, amerikalı taraf ukrain yolbaşçılığınıñ Minsk añlaşmalarınıñ tolusınen ömürge keçirilmesiniñ tarafdarı olğanını alğışladı ve bu añlaşmalarnıñ ömürge keçirilmesi içün Rusiyege qarşı sanktsiyalar devam ettirilmek kerek olğanını qayd etti.

İyün 22-de Kiyevde Nuland Yuqarı Rada reisi Andrey Parubiy, Ukraina prezidenti memuriyeti yolbaşçısınıñ muavini Konstantin Yeliseyev ve Tışqı işler naziri Pavlo Klimkin ile körüşti.

Bundan evel Poroşenkonıñ Nuland ile körüşüvi aqqında malümat bildirilmey edi.

Nulandnıñ Yeliseyev ile körüşüvi neticesinde Ukraina prezidenti memuriyetiniñ matbuat hızmeti bildirdi ki, subetdeşler Minsk añlaşmalarınıñ implementatsiya vaziyetini tavsilâtlıca muzakere etti ve Donbassta barışıqqa yetmek içün nevbetteki adımlarnıñ usullarını idare etti.

İyün 23-te Viktoriya Nuland Rusiyede buluna, bu yerde Donbasstaki vaziyet ve «normand dörtü» ve Üç taraf kontakt gruppasınıñ destegi ile Minsk añlaşmalarınıñ ömürge keçirilmesi boyunca nevbetteki adımlar muzakere etilmesi planlaştırıla. Rusiyeli kütleviy haber vastalarınıñ bildirgenine köre, Moskvada Nuland Rusiye prezidentiniñ mesleatçısı Vladislav Surkov ile körüşmek kerek.

Viktoriya Nuland Moskvanı Minsk añlaşmalarını ömürge keçirmek, Kiyevni ise, islâat keçirmek qandıruvda faal şekilde iştirak ete.

İyün 23-te Üç taraf kontakt gruppasınıñ «DNR» ve «LNR» taqımları temsilcileriniñ iştiragi ile video konferentsiyasınıñ keçirilmesi de planlaştırıla. Video konferentsiyası devamında Donbassta havfsızlıq vaziyeti, reinelerniñ azat etilmesi ve Minsk añlaşmalarınıñ diger maddeleri muzakere etilecektir.

XS
SM
MD
LG