Link açıqlığı

Saatnıñ esas haberi

Strasburg şeerinde Avropa Şurası yanındaki Ukraina daimiy temsilciligi territoriyasında qırımtatar bayrağı tiklenildi, dep bildire Qırımtatarlarnıñ meseleleri boyunca Ukraina prezidentiniñ vekâletlisi Mustafa Cemilevniñ matbuat hızmeti.

«Strasburg Avropanıñ eñ müim siyasiy merkezlerinden biri ola. Endiden soñ qırımtatar milliy bayrağı ukrain diplomatik müessisede ukrain bayrağı yanında yelpirecek ve qırımtatar halqınıñ aq-uquqları yañıdan tiklenilmesi, Qırımnıñ işğalden azat etilmesi ve yarımadanıñ ukrain nezareti astına qaytarılması kerekligini hatırlatacaq», – dep aytıla müessiseniñ beyanatında.

Qırımtatar bayrağını Strasburgta Ukraina daimiy temsilciligi territoriyasında qırımtatarlarnıñ lideri Mustafa Cemilev tantanalı şekilde tikledi.

Bayraq tiklenilmesi merasiminde PACE-niñ ukrain parlament eyyeti, diplomatik korpusı iştirak etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG