Link açıqlığı

Rusiye prezidenti Vladimir Putin Devlet Duması deputatlarına «Rusiye vatandaşlarınıñ çoqusına», yani işğal etilgen Qırım ve Aqyar sakinlerine kösterilgen destek içün teşekkür bildirdi. Bu aqta Putin iyün 22-de Devlet Dumasınıñ umumiy toplaşuvında ayttı, dep bildire Kreml matbuat hızmeti.

«Qırım ve Aqyarnıñ uquqiy integratsiyası, çağıruvıñız yapqan işiniñ tarihiy neticesi ola, dep sayam, bundan evel Rusiye Federatsiyasınıñ terkibine kirüv boyunca referendumnıñ arfesinde yarımada sakinlerine siziñ samimiy, can-yürekten maneviy destegiñiz oldı. Siz faal, bazı da duyğulı, kerek olğanda professional şekilde Rusiye vatandaşlarınıñ çoqusına, yani Qırım ve Aqyar sakinleriniñ keyfini kötermek içün destek kösterdiñiz», – dep ayttı Rusiye yolbaşçısı.

Putinniñ qayd etkenine köre, «qısqa müddet içinde» 120 qanun qabul etilgeni yarımadanıñ Rusiyege «kirmesinen» bağlı meselelerni çezmege yardım etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG