Link açıqlığı

Saatnıñ esas haberi

Qırımda hastanıñ sağlığına zarar ketirgen «acele yardım» ekimi mahkemege celp etilecek


Rusiye Taqiqat komitetiniñ Bağçasaray rayonı boyunca Qırım idaresi «Qırım cumhuriyet felâket ve acele tıbbiy yardım merkeziniñ» ekimine qarşı cinaiy işni taqiq etilmesini yekünledi. Müessiseniñ matbuat hızmetiniñ bildirgenine köre, ekim «insan sağlığına muqaytsızlıqtan büyük zarar ketirgen, hastalarnıñ ömür ve sağlığı havfsızlığı talaplarına uymağan hızmet etüvde» qabaatlana.

«Taqiqat malümatına binaen, 2015 senesi mart 18-de qabaatlanğan kişi, tedaviylendirüv protsedurası keçirilmesiniñ tehnikiy şartlarını bozıp, punktsiya yapıp, hastanıñ qarın boşluğı organlarına zarar ketirdi, ve çoq qan coyulmasına yol bermemek içün kerekli tedbirlerni yapmadı, profil mütehassıslarınıñ acele mesleatını teminlemedi. Bunıñ neticesinde hastanıñ sağlığına büyük zarar ketirildi», – dep aytıla beyanatta.

Müessisede qayd etkenlerine köre, cinaiy iş taqiq etilgen vaqıtta qabaatlı kişiniñ işbu cinayetnen bağlı olğanını tasdıqlağan yeterli qadar deliller toplandı. Qabul etilgen qabaatlayıcı neticenen cinaiy iş yaqın vaqıtta mahkemege yollanılacaq.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG