Link açıqlığı

Kareliyada kütleviy şekilde balalarnıñ ölümiden soñ işğal etilgen Qırımda bala lagerleriniñ qoşma teşkerilmesi planlaştırıla.

Bu aqta Rusiyege boysunğan Qırım ükümetiniñ matbuat hızmeti bildire.

«Bundan da ğayrı, Qırım bala tedaviylendirici müessiseleriniñ yolbaşçılarına territoriyalarnıñ muntazam nezaretini teşkil etmege tevsiye etilecek», – dep aytıla beyanatta.

İyün 18-de «Park-otel Sâmozero» tedaviylendirici lageriniñ 47 balası ve dört büyük kişi eki qayıq ve raftanen kezip furtunağa oğradı. Qayıqlar avdarıldı. Balalar yalığa yaldamağa tırıştı, amma büyük dalğalar ve suvnıñ suvuq olğanından er kes becermedi. 14 mektep talebesi elâk oldı. 13 balanıñ cesedi Moskvağa teslim etildi, daa bir bala qıdırıla.

Rusiye Taqiqat komiteti Kareliyadaki Sâmozero gölünde balalarnıñ ölümi sebebinden daa bir cinaiy iş açtı. İş memurlarğa qarşı ve «muqaytsızlıq» maddesi boyunca açıldı, dep aytıla müessiseniñ saytındaki beyanatta.

Birinci cinaiy iş havflı hızmetler taqdim etilmesinen bağlı oldı, bu iş boyunca beş insan qabaatlana: lager yolbaşçıları ve talimatçıları. Eki cinaiy iş bir işke birleştirildi.

XS
SM
MD
LG