Link açıqlığı

Aqmescitte qayd etilgen «Genbank» aktsiyalı şirketi halqara töleme sistemalarınıñ Visa ve MasterCard kartlarını işletmege azır olğanını qayd ete. Bu aqta müessiseniñ matbuat hızmeti bildire.

«Qırımğa kelgenler içün «Genbank» Rusiye Federatsiyası territoriyasında bütün bank hızmetlerini taqdim etmege azır, bu cümleden bankomattan para alma, para yiberme ve tölemeler, esas halqara sistemalarnıñ (Visa, MasterCard) bank kartlarınıñ işletilmesi», – dep qayd ettiler matbuat hızmetinde.

Qırım Rusiye tarafından işğal etilgen soñ eki eñ büyük halqara töleme sisteması – Visa ve MasterCard – yarımada territoriyasında çalışqan rusiyeli banklarınıñ kartlarını işletilmesini toqtattı.

2016 senesiniñ başında «Genbank» yarımadada Visa töleme kartlarınıñ işletilmesi mümkün olğanı aqqında ilân etken edi. Amma Visa töleme sisteması Rusiye tarafından işğal etilgen Qırımda işletmeniñ sıñırlanmasını red etmegenini bildirdi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG