Link açıqlığı

Rusiye Energetika nazirligi: Qırımda energiya sistemasınıñ idare etilmesi rusiyeli qaidelerge uymay


İyün 20-de, bazarertesi künü Rusiye Federatsiyası Energetika nazirligi mayıs 20-de yüz bergen qazanıñ sebepleriniñ taqiq etilmesiniñ neticelerini derc etti, o vaqıt Qırımnıñ aman-aman yarısı yarıqsız qaldı.

Energetika nazirliginde qayd etilgenine köre, keçirilgen talil neticesinde yarıq söndürilmesi Qırım energiya sistemsasınıñ dayanıqlığı bozuluvınıñ ögüni aluv avtomatikasınıñ yañlış sazlaması sebebinden oldı.

Energetika nazirliginde bildireler ki, Qırım energiya sisteması, Rusiyede ameldeki qaidelerge esaslanıp, merkeziy operativ-dispetçer idaresine keçmek kerek.

Rusiye tarafından işğal etilgen Qırımda mayıs 20-de yük maşnası ile qaza neticesinde energiya teminatı bozuldı. Yarımadanıñ büyük qısmı tahminen bir saat yarıqsız edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG