Bağçasaray rayonınıñ Kökköz (Sokolinoye) köyüniñ civarında eki turist Boyko dağından tüşip yaralandı, dep bildire iyün 20-de Rusiyege boysunğan Fevqulade vaziyetler nazirligi Qırım idaresiniñ matbuat hızmeti.
«Alpinist aletleri vastasınen qurtarıcılar zararlanğanlarnı Bağatır köyüne tüşürdi, o yerde olarnı acele yardım hadimlerine teslim ettiler», – dep aytıla beyanatta.
Daa bir zararlanğan qadın tıbbiy yardımğa muhtac oldı. Qurtarıcılar onı Arap-Hane deresinde taptı ve tıp hadimlerine teslim etti.
Qırım qurtarıcıları yarımada sakinlerini ve musafirlerini qayalarda havsızlıq qaidelerine köre özüni alıp barmağa çağıra.
