Link açıqlığı

Rusiyege boysunğan Fevqulade vaziyetler nazirliginiñ Qırım baş idaresi iyün 19-26 künleri Qırımda yanğın havfı aqqında bildire.

Qurtarıcılar ateş yaqmamağa, yerge yanğan sernik, sigar atmamağa çağıra. Pirotehnika qullanmamağa tevsiye etile. Bundan da ğayrı, qurtarıcılar ormanlarda küneş urğan alanlarda şişelerni, cam parçalarını ve diger çöpni qaldırmağa yasaq ete. Tarlalarda, alanlarda ve terekler tübünde ot yaqması da telükelidir ve büyük ateşlerge ketire bile.

Qırım qurtarıcıları bundan evel yarımadada yanğın havfı aqqında haber etken edi, bu müddet yaz mevsiminiñ soñuna qadar devam ete bile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG