Link açıqlığı

Qırım sakinlerine rusiyeli tıbbiy universitetlerinde ordinatura ve internatura kvotalarını bermege söz bereler


İllüstratsiya fotoresimi

Rusiye Sağlıq saqlav nazirligi Qırım sakinleri içün federal oquv yurtlarında devlet büceti parasına tasil aluv kvotalarını belgiledi. Bu aqta Kremlge boysunğan Qırım Sağlıq saqlav nazirliginiñ matbuat hızmeti bildire.

Müessiseniñ bildirgenine köre, umumen olaraq 20 kvota berilecek, olardan 17 dane ordinatura programmasından, 3 tane internatura programmasından olacaq.

Ordinaturanı Kuban devlet tıp universiteti, Rostov devlet tıp universiteti, Pirogov adına Rusiye milliy tedqiqiy tıp universiteti, Vreden adına Emek Qırmızı Sancaq ordeni Rusiye ilmiy-tedqiqiy travmatologiya ve ortopediya institutı ve Serbskiy adına Federal tıbbiy tedqiqiy psihiatriya ve narkologiya merkezinde keçmek mümkün olacaq.

İnternaturanı Kuban devlet tıp universitetinde keçmek mümkün olacaq, dep qayd ettiler Qırım nazirliginde.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG