Link açıqlığı

Üç ay içinde işğal etilgen territoriyalarnıñ tahminen 6 biñ sakini qıtaiy Ukrainada vesiqalar aldı – Ukraina Adliye nazirligi


Pavel Petrenko

İşğal etilgen territoriyalar sakinleri içün vatandaşlıq qayd etilmesi qolaylaştırılğan üç ay devam etken müddet içinde tahminen 6 biñ vatandaş qanuniy ukrain vesiqalarını aldı.

Bu aqta iyün 16-da mütenasip vesiqalarnıñ alınması qolaylaştırılğan üç ay müddetine bağışlanğan matbuat konferentsiyasında Ukraina Adliye nazirliginiñ reisi Pavel Petrenko bildirdi.

Bunen beraber, onıñ sözlerine köre, Ukrainada «vatandaşlarımız böyle imkân qullanıp olamağan iç bir region yoqtır».

Ukraina Adliye nazirligi reisiniñ qayd etkenine köre, vaqtınca işğal etilgen territoriyalarda yaşağan vatandaşlarğa eñ çoq vesiqalar Donetsk, Lugansk, Herson, Zaporojye vilâyetleri ve Kiyev şeeri bergen.

«Bu, vaqtınca işğal etilgen territoriyalarda yaşağan adamlar ukrain devletine ve ukrain ükümetine yaramay baqqanı aqqında rusiyeli teşviqatı tarafından tarqatılğan malümatnıñ aqiqiy olmağanını tasdıqlay», – dedi Petrenko.

Ukrain Adliye nazirligi matbuat hızmetiniñ bildirgenine köre, Petrenko, halqara toplulıq, ve, birinciden, insan aqları bozulmasını nezaret etken teşkilâtlar vesiqalar berilmesi nizamı boyunca müsbet neticeler çıqarğanına diqqat etti.

Adliye naziriniñ muavini Sergey Petuhovnıñ bildirgenine binaen, Birleşken Milletler Teşkilâtınıñ (BMT) nezaret missiyasınıñ ögdeki esabatında kütleviy haber vastaları BMT-niñ Ukrainadan qanunsız sayılğan «Lugansk Halq Cumhuriyeti» ve «Donetsk Halq Cumhuriyeti» tarafından berilgen vesiqalarnı tanımağa talabı olaraq köstergen malümat bar edi.

«BMT temsilcilerine doğma ve ölüv aqqında ukrain şeadetnameleriniñ alınması nizamı aqqında malümatnı taqdim ettik, bu nizamnıñ effektiv olğanını kösterdik, ve bu nizamnıñ popülâr olğanını bildirdik. Nezaret missiyası, yañı esabatında noqta-i nazarını deñiştirdi ve «LHC» ve «DHC» qanunsız ükümet organları bergen vesiqalarnı tanımağa talap etmey», – dep qayd etti nazir muavini.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG