Link açıqlığı

Rusiye tarafından işğal etilgen Qırımnıñ Kremlge boysunğan prokuraturası Eski Qırımda gaz borusı quruvında para hırsızlanmasını qayd etti.

Bu aqta müessiseniñ matbuat hızmeti bildire.

«2014 senesi dekabr ayında Eski Qırım şeerinde çoq qatlı evniñ gaznen teminlenmesi içün bücet parasına yapılğan gaz borusı quruvı boyunca işler bütünley yapıcığa tölendi. Bunen beraber, keçirilgen mahkeme-qurucılıq ekspertiza neticesine binaen, aqiqaten yapılğan ve tölengen işler arasındaki fiyat farqı 5 million rubleni teşkil ete», – dep qayd ettiler müessisede.

Beyanatta qayd etilgenine köre, Rusiye İçki işler nazirliginiñ İslâm-Terek rayonı bölügi para hırsızlanması boyunca cinaiy iş açmağa red etti. Amma prokuratura böyle qararnıñ qanunğa uyğanını teşkerdi. Neticede cinaiy iş açıldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG