Link açıqlığı

Aqmescitte ava limanına alıp barğan yolda areket sıñırlandı


Aqmescitte ava limanından Aqmescit aylanma yoluna buruluşqa (110-117 km.) qadar naqliye areketi vaqtınca sıñırlandı. Bu yerde Krasnoperekopsk – Aqmescit yolunıñ qısmında tamir işleri alıp barıla.

Bu aqta GİBDD Qırım idaresiniñ matbuat hızmeti bildire.

Matbuat hızmetiniñ bildirgenine köre, naqliye areketi üçten bir-eki yolaqta teşkil etilgen. Yolda tamir işleri yekünlenmesiniñ tahminiy tarihı – 2016 senesi iyül 1 künüdir.

Kezlev, Saq, Ermeni Bazar tarafından ketken aydavcılarğa ve ava limanına ketmege planlaştırğan yol areketiniñ iştirakçilerine alternativ marşrutlarnı qullanıp, Saq – Mamaşay (Orlovka), Aqmescit – Nikolayevka ve Krasnoperekopsk – Aqmescit yolunen ketmege teklif etile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG