Link açıqlığı

İyün 14-te, salı künü Kiyevde «İlmiy-ameliy profilaktika ve klinik tıbbiyeti merkezi» Devlet ilmiy müessisesiniñ binasında Ukraina prezidenti Petro Poroşenko ve rusiyeli apishanesinden yiberilgen Gennadiy Afanasyev ve Yuriy Soloşenkonıñ brifingi keçirilecek.

Ukraina prezidenti matbuat hızmetiniñ bildirgenine binaen, brifing tahminen saat 17:00-de başlanacaq, amma Qırım.Aqiqat mühbiriniñ malümatına köre, brifing başlanuvı keçiktirile.

Brifingniñ canlı yayınlamasını Qırım.Aqiqat alıp bara.

Bundan evel Ukraina prezidenti Petro Poroşenko iyün 14-te, salı künü Rusiyeden qaytqan ukrain siyasiy mabuslarınen körüşecegi aqqında malümat bildirilgen edi. Ukraina prezidentiniñ matbuat hızmetiniñ bildirgenine köre, körüşüv tıbbiy merkezde keçirilecek.

Ukraina prezidenti Petro Poroşenko iyün 14-te ukrainlerniñ Moskvadan evge çıqqanları aqqında bildirgen edi.

İyün 14-te, saba Rusiyede mahküm etilgen Qırım sakini Gennadiy Afanasyevniñ anası Qırım.Aqiqatqa Kiyevge kelgenini ve oğlunıñ Ukrainağa qaytacağını beklegenini ayttı.

Bundan evel, Odessada mayıs 2-de yüz bergen vaqialar boyunca şeklenilgen eki Rusiye vatandaşınıñ Rusiyede mahküm etilgen eki Ukraina vatandaşı Yuriy Soloşenko ve Gennadiy Afanasyevge ola bilecek deñiştirüv aqqında malümat peyda olğan edi. Bu aqta, hususan, Ukraina baş prokurorı Yuriy Lutsenko ve Ukraina havfsızlıq hızmetiniñ yolbaşçısı Vasiliy Gritsak bildirgen ediler.

Ukraina adliye naziri Pavel Petrenkonıñ bildirgenine köre, ukrain tarafı Rusiyege Soloşenko ve Afanasyevniñ vatanğa qaytarılması içün vesiqalarnı teslim etti.

Rusiyede 26 yaşındaki Gennadiy Afanasyev Qırım territoriyasında terroristik birligini teşkil etkeninde qabaatlanğan ve 2015 senesi 7 yılğa apiske qaldırılğan, 74 yaşındaki Yuriy Soloşenko ise, casuslıqta qabaatlanıp 6 yılğa apiske qapatılğan edi.

XS
SM
MD
LG