Link açıqlığı

Putin Rusiye ordusınıñ apansız teşkerüvini keçirmekni avale etti


Rusiye prezidenti Vladimir Putin ve Rusiye mudafaa naziri Sergey Şoygu

Rusiye prezidenti Vladimir Putin devletniñ silâlı quvetlerinde apansız teşkerüvni keçirmekni avale etti. Mudafaa naziri Sergey Şoygunıñ bildirgenine köre, apansız teşkerüv ordunıñ «cenkke ve mobilizatsiyağa azır olğanına qıymet kesmek içün» kerek. Onıñ aytqanına köre, ordunı «çeşit seviyeli silâlı davalarda ve buhran vaziyetlerinde» vazifelerni becermek içün azırlamaq kerek. Onıñ sözlerine binaen, teşkerüv iyün 22-ge qadar devam etecek.

2014 – 2015 seneleri Rusiye çoq apansız ordu teşkerüvlerini ve arbiy ögrenüvlerni keçirdi. Böyle etip, «Tsentr-2015» («Merkez-2015») areketlerinde sentâbr ayında tahminen 100 biñ asker, 7 biñden ziyade tehnika, 170-ke qadar uçaq ve 20 gemi iştirak etti. Ögrenüvler Merkeziy, Cenübiy ve Ğarbiy arbiy okruglarda da keçirildi. Ukrain ükümeti böyle areketlerden soñ, onıñ sıñırında rusiyeli askerlerniñ sayısı artqanı, ve Donbassta vaziyet kerginleşkeni aqqında bildire edi. Ğarp devletleri, Rusiyede çoq arbiy ögrenüvler keçirilgeni sebebinden qasevet çekkenini bir qaç kere bildire edi.

XS
SM
MD
LG