Link açıqlığı

Amerikalı ESPN FC futbol teleşou saytında «Euro-2016» yarışında Ukraina ve Almaniya arasındaki futbol oyunınıñ talili videosı yerleştirildi, o yerde Ukraina haritası Qırım yarımadasız kösterile.

Hususan, videoda eki taqım taktikası ve oyuncılarınıñ qısqa talili taqdim etile.

Amma ukrain taqımı oyunınıñ talilinden evel kösterilgen resimde harita şeklinde mavı-sarı Ukraina territoriyası Rusiye tarafından işğal etilgen Qırımsız kösterile.

2014 senesi Qırım Rusiye tarafından işğal etilgen soñ, Ukraina haritası yarımadasız endi bir qaç kere tasvir etilgen edi.

Böyle etip, 2016 senesi yanvar ayınıñ başında Coca-Cola şirketiniñ ukrain temsilciligi Qırımnı Rusiye qısmı olaraq aks etken haritanıñ derci içün afu soradı. Yanvar 7-de Coca-Cola şirketiniñ baş ofisi Ukrainadan resmiy şekilde afu soradı.

2016 senesi fevral 13-te «MTV-plus» ukrain telekompaniyasınıñ «Region.Neticeler» informatsion analitika programmasınıñ yayınında «Mahsus reportaj» haber süjetinde Ukrainanıñ haritası Qırımsız kösterildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG