İyün 12-de «Euro-2016» futbol çempionatınıñ gruppa seviyesi çerçivesinde Ukraina taqımı frenk Lill şeerindeki «Pyer Morua» stadionında dünya çempionı olğan Almaniya taqımına 0:2 esabınen yutquzdı.
Matçnıñ 19-cı daqqasında almaniyalı taqımnıñ futbolcısı Mustafi ukrainlerniñ qapısına gol urdı. Ekinci golnı qoşma vaqıtta Bastian Şvaynştayger urdı.
Bundan da ğayrı, bazar künü C gruppası boyunca Ukrainanıñ raqipleri Poloniya ve Şimaliy İrlandiya 1:0 esabınen oyun keçirdi, ve D gruppasınıñ taqımları Türkiye ve Hırvatistan 0:1 esabınen oyun keçirdi.
