Link açıqlığı

Amerika Qoşma Ştatları prezidenti Barak Obama iyün 12-ge keçer gecesi yüz bergen Orlando gece klubında ücümni deşetli «nefret eylemi» dep adlandırdı, ve amerikalılarnı qoqrmamağa çağırdı. Bu aqta o, Beyaz Sarayda bazar künü ayttı.

Amerikalı prezidentniñ sözlerine köre, FBR ücümni terrakt olaraq taqiq ete. Obamanıñ vade etkenine binaen, ücümciniñ terroristik taqımlarnen bağını belgilemek içün bütün imkânlar qullanılacaqtır.

«Er angi amerikalığa ücüm, epimizge ücüm sayılır», – dep ayttı Obama.

Soñki malümatlarğa binaen, iyün 12-ge keçer gecesi «Puls» gey-klubında yüz bergen ateş açma neticesinde 50 insan elâk oldı, 53 kişi yaralandı. Omar Matin adlı kişi ücüm etti, onı politsiya hadimleri ücüm vaqtında öldürdi. İlk malümatlarğa köre, cinayetçi «radikal islâmistik mefkürege» avesli edi.

XS
SM
MD
LG