Link açıqlığı

FSB eki idaresiniñ yolbaşçıları istifağa çıqmaq içün ariza yazdı – kütleviy haber vastaları


Moskvada FSB binası

Rusiye Federal havfsızlıq hızmetiniñ (FSB) esas idareleriniñ – «P» idaresi ve «T» idaresiniñ eki yolbaşçısı istifağa çıqmaq içün ariza yazdılar. Bu aqta «Rosbalt», müessisedeki menbağa esaslanıp, bildire.

Beyanatta yolbaçşılarnıñ adları ve rutbeleri qayd etilmegen.

Agentlik menbasınıñ bildirgenine köre, «P» idaresi sanayı işhaneleriniñ kontrrazvedka (qarşı casuslıq) teminlenmesi, «T» idaresi ise, naqliyede kontrrazvedka boyunca havfsızlıq meselelerinen oğraşa. Kredit-maliye saasında qabarcılıqqa qarşı küreş içün mesüliyetli olğan «K» idaresi ile beraberlikte bu strukturalar Federal havfsızlıq hızmetiniñ İqtisadiy havfsızlıq hızmetiniñ temeli ola.

FSB saytında idarelerniñ yolbaşçıları vazifelerinden boşatılğanı aqqında malümat daa bildirilmey.

İyün 4-te «P» idaresiniñ yolbaşçısı Viktor Voronin istifa aqqında ariza berdi. «Kommersant» mecmuasınıñ malümatına binaen, o, oña boysunğan hadimler kontrabanda teşkil etkenlerinde şeklenilgen soñ bunı yaptı.

XS
SM
MD
LG