Amerika arbiy gemileriniñ Qara deñizge kirüvi Rusiye tarafından cevaplı tedbirlerniñ yapılmasına sebep ola bile. Bu aqta iyün 10-da Rusiye Tışqı işler nazirliginiñ memurı Andrey Kelin ilân etti, dep bildire Azatlıq Radiosı.
«Elbet, bu, bizim tarafımızdan alğışnı doğurmaz», – dep qayd etti diplomat, amma cevaplı tedbirler nasıl olacağını konkret aytmadı.
İyün 6-da USS Porter mina taşıyıcı gemisi Qara Deñizge kirdi.
«RİA Novosti» rusiyeli agentligi, Kelinniñ sözlerine esaslanıp, Varşavada keçirilecek NATO sammitiniñ arfesinde Amerika Qoşma Ştatlarınıñ uçaq taşıyıcı gemileriniñ Basra körfezinden Aq Deñizge keçmesi «küç numayışı» olğanını bildirdi.
NATO sammiti Varşavada iyül ayında keçirilecek. Bu sammitte, bu cümleden, Rusiye tarafından Ukrainağa yapılğan basqıncılıqqa qarşı alıp barılacaq faaliyet baqılacaq ve mudafaa birliginiñ şarqıy ortaqlarğa işbirlikniñ yañı şekli teklif etile bile.
