Link açıqlığı

Rusiyeli teşviqatına cevap peyda oldı: «Qırım aqqında alternativ olmağan ikâye»


Aluştada politsiya tarafından dağıtuv, 2016 senesi, iyün

İnternette Russia Today telekanalınıñ teşviqat videosına cevap olaraq video rolik peyda oldı: «QırımBizimkidegil ise. Qırım aqqında alternativ ikâye». İşbu video Russia Today kanalınıñ videosı içtimaiy ağlarda peyda olğan bir qaç saattan soñ peyda oldı. Onıñ yapıcıları Qırımda, o yerge Rusiye kelgen soñ, aqiqaten neler olğanını kösterdi.

«Alternativ olmağan ikâye» adlı сevaplı videonıñ temelinde zemaneviy «rusiyeli» Qırımda yüz bergen vaqialar – Kezlevde yerli satıcılarnıñ şikâyetleri ile bazarnıñ yoq etilmesi, politsiya tarafından Aluşta sakinleriniñ sailde qanunsız inşaat boyunca deputatlar ile körüşüviniñ dağıtıluvı, Qırım sakinleriniñ para yetişmemezligi aqqında bildirmeleri kösterile. Bundan da ğayrı, Süriyedeki vaqialar ve o yerde ilk elâk olğan rusiyeli asker aqqında söz yürsetile.

Rusiye telekanalı bundan evel paylaşqan videoğa baqqanda, stsenaristlerniñ planlaştırğanlarına binaen, ukrain Qırımda «Pravıy sektor» ve «Antimaydan» tarafdarları arasında qanlı çatışmalar yüz bergen edi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG