Bağdad şeerinde yüz bergen eki patlav neticesinde eñ azdan 20 kişi elâk oldı, onlarca insanlar yaralandı.
İraq politsiyasınıñ bildirgenine köre, patlavlarnıñ biri Bağdadnıñ esasen şiitler yaşağan rayonındaki ticariy soqaqta yüz berdi: bombalı avtomobil patladı.
Diger patlav Bağdadnıñ şimaliy civarında yañğıradı, bu yerde insan öz özüni avtomobilde patlattı.
Patlavlar, İraq quvetleri Bağdadnıñ ğarbiy tarafında yerleşken Fallucıdan «İslâm devleti» silâlı taqımlarını quvmağa tırışqan vaqıtta yüz berdi.
Ücüm içün mesüliyetni öz boynuna daa kimse almadı. Soñki ay devamında bu kibi ücümlar içün mesüliyetni «İslâm devleti» silâlı taqımları öz boynuna alğan edi.
