Link açıqlığı

Çehiya prezidenti parlamentni Osmanlı Devletinde kütleviy şekilde ermenilerniñ öldürüvini genotsid olaraq tanımağa çağıracaq ola


Ermenistan, Çehiya prezidenti Miloş Zeman ve Ermenistan prezidenti Serj Sargsân

Çehiya prezidenti Miloş Zeman parlamentke Birinci cian cenki vaqtında Osmanlı Devletinde kütleviy şekilde ermenilerniñ öldürüvini genotsid olaraq tanımaq muracaatınen bulunacağını ilân ete.

Bu aqta o, iyün 8-de Erivanda Ermenistan prezidenti Serj Sargsân ile keçirgen körüşüvde ilân etti.

2014 senesi yanvar ayında Sargsân Praganı ziyaret etken vaqtında Zeman halq ögünde ermenilerniñ öldürüvini genotsid dep adlandırdı.

Miloş Zemannıñ şimdiki beyanatı, iyün 2-de Almaniya parlamenti Birinci cian cenki vaqtında Osmanlı Devletinde ermenilerni kütleviy şekilde öldürüvlerni genotsid olaraq tanıması boyunca rezolütsiyanı qabul etken soñ peyda oldı.

Beş saifelik rezolütsiya «1915-1916 seneleri ermeniler ve diger hristian azlıqlarınıñ genotsidini tanımağa» çağıra.

Almaniya, ermenilerniñ kütleviy şekilde öldürüvini genotsid olaraq tanığan yigirmi üçünci devlet oldı.

Dünyanıñ 20 devletinden ziyade Osmanlı Devleti tarafından ermenilerniñ öldürilüvi ve sürgün etilüvini genotsid olaraq tanıdı. 1915-1917 seneleri türk-osmanlılar tarafından tahminen 1,5 million ermeniniñ öldürilmesi çoq tarihçı tarafından ХХ asırnıñ ilk genotsidi olaraq baqıla. Türkiyeniñ qayd etkenine köre, ermeniler Osmanlı Devleti ükümetiniñ aselet yapqan areketleri neticesinde degil de, vatandaş nizamsızlığı sebebinden elâk olğan.

XS
SM
MD
LG