Link açıqlığı

Saatnıñ esas haberi

Aqmescitte şeer künü qayd etile


Aqmescit (Simferopol) şeeri peyda olğanından 232 yıllığını qayd ete. Adet üzre, Şeer künü iyün ayınıñ ilk bazar künü qayd etile. Amma işğal etilgen Qırımda üç kün bayram merasimleri keçirilecek.

Kremlge boysunğan Aqmescit memuriyeti matbuat hızmeti Şeer kününe bağışlanğan merasimlerniñ cedvelini taqdim etti. Böyle etip, Trenöv bağçasında çiçek ve ev ösümlikleri sergisi teşkil etilecek, şeer tarihı müzeyinde ise «Açıq qapu künü» olacaq.

Şeer sakinleri içün sport yarışları, aqşam ise bayram fişenki teşkil etilecek.

İyün 6-da Qırım paytahtı merkezinde şimdiki yarımada ükümeti Puşkin soqağı bayramı olaraq «Rusiyede Puşkin kününi» keçirmege istey.

Qırım.Aqiqat saytında «Aqmescitni ne qadar yahşı bilesiñiz» adlı test yerleştirildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG