Link açıqlığı

Saatnıñ esas haberi

Balalar Aqyarda ukrain bayrağı tüslerinde resim yaptı


İyün 1-de Aqyarda Balalarnı qorçalav kününe bağışlanğan bayram merasimleri keçirile. Balalar asfaltta resim yapıp, ukrain bayrağı tüslerini qullandı.

Qırım.Aqiqat mühbiriniñ malümatına binaen, sabadan başlap Primorskiy bulvarında serbest mevzulı resim yarışı keçirildi. Qırım.Aqiqat mühbiriniñ qayd etkenine köre, balalar resimlerinde rusiyeli ya da arbiy timsallerini qullanmadı, amma resimlerini yapqanda ukrain bayrağınıñ mavı ve sarı tüslerini sıq qullandı. Resimlerde esasen tabiat ve ayvanlarnı körmek mümkün. Kornilov yalısında balalar içün muzıkalı gimnastika keçirildi.

Rusiyeli şeer akimiyeti yekâne büyük bayram keçirmemege qarar aldı. Er medeniyet ve tasil müessisesi öz programmasını azırlamaq kerek edi.

Medeniyet müessiseleri iyün 1-de bala sanalaştırmalarını, kitap merasimlerini ziyaret etmege, eski sovet filmlerini, hususan arbiy-vetanperverlik mevzulı filmlerni seyir etmege teklif etti.

Aqşam Primorskiy bulvarında «Uşakov-Aqyar-Ğalebe-Rusiye» yarışınıñ neticeleriniñ çıqarılması planlaştırıla.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG