Link açıqlığı

Mayıs 31-de Ukraina Yuqarı Radasınıñ toplaşuvında Ukraina halq deputatı Nadejda Savçenko («Batkivtşina» fraktsiyası) sözde buluna. Bu Savçenkonıñ Ukraina parlamentinde ilk iş künüdir.

Rusiyede 22 yılğa apiske qapatılğan Nadejda Savçenko keçken afta Kiyevge qayttı. Mayıs 25-te Rusiye prezidenti Vladimir Putin Savçenkonı afu etüv boyunca emirni imzaladı. Bunı öldürilgen mühbirlerniñ «soy-soplarınıñ muracaatına esaslanıp» yaptı. Savçenko bu mühbirlerniñ öldürilmesine bağlı olğanında qabaatlanğan edi.

Aynı vaqıtta Rusiyege Ukrainadan eki rusiyeli vatandaş Aleksandr Aleksandrov ve Yevgeniy Yerofeyev qayttılar, olar keçken sene Ukraina şarqında dava territoriyasında yaqalandı ve basqıncı arbiy faaliyet alıp barğanları, insan ölümine ketirgen terroristik eylemini yapqanlarında qabaatlandı. Ukraina prezidenti Petro Poroşenko olarnı afu etüv emrini mayıs 24-te imzaladı.

Rusiye apishanesinde bulunıp, Savçenko qabaatlarnı red ete edi ve bir qaç kere açlıq, bu cümleden quru açlıqnı ilân etken, böyle etip azatlıqnı talap ete edi.

XS
SM
MD
LG