Link açıqlığı

Türkiye baş nazir muavini yaqın vaqıtta Rusiyenen munasebetlerniñ eyileşecegini tahmin ete


Numan Kurtulmuş

Türkiye baş nazir muavini Numan Kurtulmuş Türkiye ve Rusiye arasında yeñilmez manialar yoq olğanını ilân etti ve eki taraf arasındaki munasebetlerniñ yaqın vaqıtta eyileşecegini tahmin etti.

Mayıs 30-da Ankarada keçirilgen matbuat konferentsiyasında o, iç bir devlet diger devletnen munasebetlerni feda etip olmağanını qayd etti.

Aynı vaqıtta Moskvada Rusiye prezidentiniñ temsilcisi Dmitriy Peskov Rusiye ve Türkiye arasındaki munasebetler meselesini tek Türkiye reberligi çeze bilgenini ilân etti. Moskvada Türkiye reberliginden urulğan rusiyeli bombardir uçağı içün afu soramasını ve ziyanlar ödemesini bekleyler.

Eki devlet arasındaki munasebetler keçken sene noyabr 24-te Türkiye ve Suriye sıñırı yanında rusiyeli Su-24 bombardir uçağı urulğan soñ kerginleşti. Ankara, uçaq Türkiye ava boşluğına kirgenini ayta, Moskva ise, bunı red ete. Bundan soñ Rusiye Türkiyege qarşı sanktsiyalarnı kirsetti.

XS
SM
MD
LG