Ukrayına cıyılğan futbol taqımı Frenkistanda keçirilecek Avropa çempionatından eki afta evel italiyalı Turinde kontrol matçını keçirdi. Ukraina taqımınıñ raqibi Romaniya futbolcıları oldı, dep bildire Azatlıq Radiosı.
Oyun ukrain taqımınıñ galebesinen yekünlendi – 4:3.
Birinci taymnıñ soñunda Roman Zozulâ esapnı musaviy etti, oyunnıñ ekinci qısmınıñ başında 15 daqqa içinde Aleksandr Zinçenko, Yevgeniy Konoplânka ve Andrey Yarmolenko gol urdı.
Oyunnıñ soñunda Romaniya taqımı daa eki gol urdı, amma yeñip olamadı.
Nevbetteki Euro-2016 yarışından evel soñki kontrol matçını Mihail Fomenkonıñ taqımı iyün 3-te, cuma künü keçirecek. Ukrainlerniñ raqipleri Albaniya futbolcıları olacaq.
Frenkistanda start oyunını Ukraina taqımı iyün 12-de Almaniya taqımınen keçirecek.
