Link açıqlığı

Saatnıñ esas haberi

İlmi Umerovnıñ balaları FSB-ge sorğuğa çağırıla


İlmi Umerov
İlmi Umerov

Rusiyeli Federal havfsızlıq hızmetiniñ Aqmescit idaresine Qırımtatar Milliy Meclisiniñ reis muavini İlmi Umerovnıñ balaları sorğuğa çağırıla. Bu aqta Qırımtatar Qurultayınıñ Merkeziy saylav komissiyasınıñ reisi Zair Smedlâyev bildire.

Onıñ malümatına binaen, sorğunıñ mayıs 27-de saat 15:00-te keçirilmesi planlaştırıla.

Qırımdaki rusiyeli uquq qoruyıcı organları tarafından İlmi Umerovğa qarşı Rusiye Cinaiy kodeksiniñ 280.1 maddesi (separatizm) boyunca cinaiy iş açıldı.

Mayıs 19-da Qırımtatar Milliy Meclisiniñ reis muavini İlmi Umerovğa rusiyeli Federal havfsızlıq hızmetiniñ Qırım idaresinde sorğudan soñ qabaatlavnı taqdim ettiler.

Bundan evel, mayıs 12-de onıñ evinde tintüv keçirildi, Rusiye FSB-niñ Qırım idaresiniñ taqiqatçısı oña çıqmamaq şartını bildirgen vesiqanı berdi.

Bundan soñ taqiqatçılar İlmi Umerovnı taqiqat malümatını faş etmemesi aqqında vesiqağa imza qoymağa mecbur ettiler.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG