Link açıqlığı

Qarasuvbazar rayonında Aqmescit – Keriç yolunıñ 53 kilomertinde yol qazası yüz berdi, VAZ 2110 ve Mercedes Sprinter çatıştılar, dep bildire boysunğan Qırım fevqulâde vaziyetler hızmetiniñ saytı.

4 insan zararlandı, birisi VAZ 2110 aydavcısı can berdi. Yol qazasında zararlanğanlarnı Qarasuvbazar şeeriniñ hastahanesine cerrahiy ve reanimatsiya bölüklerine çeşit türlü ağırlıq derecede travmalarnen ketirdiler, dep bildire müessise.

Yol qazasınıñ sebeplerini ekspertler ögreneler.

Rusiyege boysunğan Aqmescit akimiyeti şeerde yol qazalarınıñ arttırmasını ve yol vaziyetiniñ mürekkepleşmesini qayd eteler. Yol qazalarınıñ arttırması «yol keyfiyetiniñ yahşılaştıruvınen» bağlaylar.

Rusiye içtimaiy içki işler nazirliginiñ «Meselesiz yollar» leyhasına köre, keçken sene Qırım eñ yolsuz regionlarınıñ üçüne kirdi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG