Qırımda 40 aşayt malından beşiniñ fiyatı arttı, olarnıñ arasında qara bogday, alma ve havuç. Bunıñ aqqında Rusiyege boysunğan Qırımnıñ sanayı seyaset nazirligi bildire.
Fiyatlar Qırımnıñ aşayt bazarında istiqrarlı, dep bildire nazirlik.
«Qırım Cumhuriyetiniñ aşayt bazarında cemi episi köz etilgen formatta ayrı ticarette bir afta içinde 2016 senesi mayıs 12-19 qadar 31-40 aşayt malınıñ fiyatı esasen istiqrarlı edi», – dep qayd eteler sanayı nazirliginde.
40-tan 4 aşayt malınıñ fiyatı tüşti, yani – hıyar (27,8%), pomidor (8,9%), soğan (8%) ve tavuq yumurtası (1,7%).
Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
