Link açıqlığı

Saatnıñ esas haberi

Türkiye Ukrainağa İçki işler nazirligi islâatında yardım etmege azır – elçi


Türkiye Cumhuriyeti Ukrainağa İçki işler nazirliginiñ islâatında yardım köstermege azır. Bu aqqında Ukrainadaki Türkiye elçisi Yönet Can Tezel mayıs 23-te İçki işler naziri Arseniy Avakov ile körüşüvde ayttı.

«Elçiniñ aytqanına köre, Ukraina milliy politsiyasınıñ ihtiyaclarında Türkiye akimiyeti yardım etmege niyetlendi ve uquq qoruyıcı saasında faal sürette birleşik areketlerde yardımcı olmağa istey», – dep bildire İçki işler nazirliginiñ matbuat hızmeti.

Arsen Avakov körüşüvde qayd etti ki, cinayetçilik ile kureş ve vatandaş telükesizligi saalarında uquq qoruyıcı idareleriniñ eki devletniñ de teren işbirligi müim bir qısmı olmalı. Nazir Ukraina ve Türkiye arasında bağlar faalleşkenini qayd etip, açıq-aydın noqtaiy nazarı ve Ukrainanıñ mustaqilligi ve topraq bütünligine qoltutqanı içün Türkiye tarafına teşekkür bildirdi.

Avakovnıñ fikrine köre, terrorizm ve sıñır arası cinayetçilik ile semereli küreş içün qomşu devletler beraber areket etmeli.

Ukraina ve Türkiye arasında bağlar keçken sene soñunda faalleşti. Rusie ile zıddiyet artqan soñ Türkiye Ukrainanıñ topraq bütünligini ve Rusiye tarafından qanunsız Qırım işğalini ve onıñ Ukraina şarqına qarışuvını halqara toplulıq ile nazar noqtanı tuta, amma bunın içün Rusiyege qarşı sanktsiya da çıqarmadı.

XS
SM
MD
LG