Suriye faalleriniñ bildirgenine köre, Suriye prezidenti Başar Asadnıñ ükümeti kontrol etken eki şeerde yüz bergen patlavlar neticesinde 100 kişi elâk oldı, dep haber ete Radio Svoboda.
Mayıs 23-te olğan ücüm mesüliyetini «İslâm devleti» taqımı öz boynuna aldı.
Büyük Britaniyadaki Suriyede insan aqlarını nezaret etken bürosı bildire ki, üç patlav Aq deñizniñ yalısında yerleşken Tartus şeerinde olıp keçti. Bu şeerde Rusiye arbiy-deñiz obyekti yerleşmekte.
Daa dört patlav Cableh şeerinde yüz berdi.
Bu yedi patlavdan bazılarını canl bombalar kerçekleştirdi.
SANA devlet haber agentligi bildirdi ki, ücüm maqsadı Tartustaki avtovokzal ve Cablehniñ müessiseleri, şu cümleden hastahane oldı.
Bu eki şeer Suriyede mart 2011 senesinden berli devam etken cenkten biraz olsa da, uzaq edi. Cenk neticesinde aman-aman 270 biñ kişi elâk oldı.
