Berlinde zorbalıq ve sürgünlerge bağışlanğan Avropa tarih forumınıñ açılışında «Eurovision-2016» yarışında iştirak etken Ukraina yırcısı Jamala ve onıñ «1944» yırını qayd ettiler.
Bu aqqında Qırım tarihçısı Gulnara Bekirova bildire.
Onıñ aytqanına köre, Rusiye tarihçısı Arseniy Roginskiy forumnıñ açılış sözyunde umumiy tarihnıñ bir qaç müim tarafını qayd etti. «Çoqtan añlağanım bir şey de bar, amma bu fikirni belli ve tecribeli tarihçı seslendirgenine quvandım – Avropa tarihınıñ az bilingen saifeleriniñ rağbetleştirüvi», – dep qayd etti Gülnara Bekirova ve Roginskiyniñ sözlerini tekrarladı: «Qırımtatar sürgünligi aqqında «yırçıq» yırlağan qız bütün tarihçılardan çoq şey yaptı».
Qırımtatarı olğan ukrain yırcısı Jamala (Susanna Camaladinova) 1944 senesi qırımtatar halqınıñ sürgünligini añlatqan «1944» yırınen mayıs 15-ke keçer gecesi İsveçiyanıñ paytahtı Stockholmde olıp keçken «Eurovision» yır yarışınıñ finalında ğalebe qazandı.
