Mayıs 23-te Türkiyede Dünya insaniy zirvesi (sammiti) başlana. Birleşken Milletler Teşkilâtınıñ imayesi altında keçirilgen eki künlik toplaşuvlarda devlet ve ükümet yolbaşçıları, 100-den ziyade memleketten kelgen yüksek rutbeli memurlar dünyada silâlı zıddiyet ve felâketlerden zarar körgen insanlarnıñ ihtiyaclarını nasıl qarşılamaq mümkün laf etecekler.
60 devlet birinci şahıs olaraq kösterilecek. Ukraina prezidenti Petro Poroşenko İstanbuldaki sammitke yol aldı. Ukraina eyyeti erkânında qırımtatarlarnıñ liderleri Mustafa Cemilev ve Refat Çubarov barlar.
Dünyada aman-aman 60 million insan yaşağan yerini terk etip köçti. Tahminen 125 million kişi yardım ve imayege muhtac. Sammitni qabul etken Türkiye prezidenti Recep Tayip Erdoğan Suriyeni cenkten sebep terk etken 2,7 million insanşa baqqan memleketiniñ qoşqan issesini aydınlatacaqtır.
