Link açıqlığı

Rusiye Energetika nazirligi: Qırım energo sistemasından 500 megovat tüşti, energo teminatı tüzetildi


Rusiye Energetik naziri Aleksandr Novak mayıs 20-de işğal etilgen Qırımnıñ elektrik sistemasından 500 megovattan biraz ziyade küçü tüşkenini bildirdi. Sebebi aytılmay.

Onıñ malümatına köre, Qırımnıñ energo teminatı tam olaraq tüzetildi.

«Qırım elektrik berme yolları tamamen işletildil, yük cıyması yapılmaqta», – dep tekrarlaylar Rusiye kütleviy haber vastaları nazirninh aytqanlarını.

Elektrik teminatı tüzetildi, amma o istiqrarsız: telefon ve internet bağında problemler bar, dep tasdıqlaylar yarımada sakinleri.

Mayıs 20-de kündüz Qırımnıñ yarısı elektriksiz edi. Elektrik olmağanını Aqmescit, Aqyar, Yalta, Aluşta, Keriç, Kezlev ve başqa şeerlerden insanlar bildire ediler.

Qırımda 2015 senesi soñunda esas Ukrainadan elertrik kelmegeni içün fevqulâde vaziyet kirsetildi, yaqında fevqulâde vaziyet rejimini lâğu ettiler. Qırım özü işlep çıqarğanlarından, Rusiyeden kelgen generator tertibatlardan ve yükke dayanamağan Kuban energo köpürinden temin etildi.

Qırımda mayıs 11-de Kubandan yarımadağa kelgen soñki energo köpüriniñ yipi aqqında bildirdiler. Krasnodar tarafında emirni Rusiye prezidenti Vladimir Putin berdi.

Dörtünci yip yarımadağa 200 megavat qoşma küç bermek kerek, cemi miqdarnı 800 megovatqa qadar ketirmek kerek.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG