Link açıqlığı

Saatnıñ esas haberi

Ukraina havfsızlıq hızmeti: Herson vilâyetinde terakt kerçekleştirgen insannı qıdıralar


Ukraina havfsızlıq hızmeti Herson vilâyetiniñ Novoalekseyevka qasabasında terakt keçirgen İzmail sakini Nikolay İorgovnı qıdıra. Bunı hızmetniñ spikeri Yelena Gitlânskaya bildirdi.

«Bizler (UHH – QA) ögrendik ki, teraktnı kerçekleştirgen şahıslardan biri İzmail sakini İorgov Nikolay ola. Qırım, Rusiye Federatsiyasına bir qaç kere barğan edi. O, mahsus hızmetlerniñ reberlerinen bağ tutqan edi», – dep ayttı o brifingde, dep bildire Qırım.Aqiqat.

Ukraina havfsızlıq hızmetiniñ malümatına köre, İorgov fevral 24-te Rusiye işğal etken Qırımğa ketip, andan Murmanskqa yol aldı ve mahsus azırlıqtan keçti. Mart ayında Donbasstaki Alçevsk şeerine keldi, Ukrainağa qaytmazdan evel mart 25-28 künleri Qırımda soñki azırlıq kördi.

Novoalekseyevka qasabasında aprel 14-te terakt olıp keçti. VAZ-2101 maşinası patladı. Bir insan elâk oldı, altı kişi yaralandı.

Mayıs 9-da Ukraina havfsızlıq hızmeti aprel 14-te Novoalekseyevkada patlav kerçekleştirgen bir qaç insan yaqalanğanını bildirgen edi.

Herson vilâyeti Geniçesk rayonınıñ Novoalekseyevka qasabası 2014 senesinden berli Rusiye işğal etken Qırım ile memuriy sıñırda yerleşmekte.

XS
SM
MD
LG