Link açıqlığı

Ukrainada qırımtatar halqı sürgünliginiñ 72 yıllığına bağışlanğan «Radio SES» qırımtatar mustaqil internet radiosı açıldı.

Radionıñ Facebook saifesinde belgilengenine köre, «Radio SES – öz aqıqatqa ve öz galebisine inanğan bütün halqımıznıñ sesidir. Bu 100% qırımtatar muzıkası, bu Qırımda yaşağan ve çalışqan serbest ve mustaqil jurnalistler!».

Radionı qurmağa teşebbüs köstergenler bildireler ki, öyle bir program ve donatma internet olğan er bir yerden canlı yayınğa çıqmaq mümkün. Jurnalist ve alıp barıcılar telükesizlikte olacaqlar.

Test yayını mayısnıñ 18-de çalışmağa başladı. Mayıs 19-da ise radionı android-smartfonlar içün ilâveden diñlemek mümkün.

«Şimdilik yayında zemaneviy qırımtatar çalğılar ve büyük «tatamız» AS Radiosı – Avrupa stantsiyasınıñ haberleri yanğıray. Halqımız ve Qırım taqdiri lâqayt qaldırmağan er kesni işbirligine davet etemiz, tezden haber yayını başlaycaq», – dep aytıla beyanatta.

Milliy şurada 2016 senesi mart ayında cenüp Hersonda malümat saasınıñ imayesi içün işlenmeleri yapmağa başlanğan yol haritası şimdi bitmekte. Bunı Ukraina tele ve radio yayını meseleri Milliy şura azası Sergey Kostinskiy bildirdi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG