Qırımda Ukraina medeniy merkeziniñ faalleri bu yıl mayıs 19-da keçirilgen bütün dünya Vışıvanka kününe qoşuldılar.
Merkez vekilleri vışıvankalarnı kiyip, Qırım paytahtınıñ merkeziy soqaqlarnı kezdiler ve foto resimlerini içtimaiy ağlarda paylaştılar.
Vışıvanka künü – 2007 yılda peyda olğan yañı bir adet. Bu bayramnı mayısnıñ üçünci cumaaqşamı künü keçireler, amma bu künniñ resmiy bir statusı yoq.
Ukrainada bu kün kütleviy bir şekilde qayd etile.
Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.
