Link açıqlığı

Saatnıñ esas haberi

Kyiv milliy universitetiniñ studetleri toplardan qırımtatar tamğasını yapıp, qırımtatar sürgünligi qurbanlarınıñ hatırasını añdılar. Aktsiyada 60-80 talebe iştirak etti, olar sarı toplarnı şişirip, Kyiv merkezindeki aliy oquv yurtunıñ binası yanında tamğa yapqanlar. Aktsiya vaqtında «Mayıs 18: Epimiz – qırımtatarmız», dep ayttılar.

Aktsiya Ukraina Haber siyaseti nazirliginiñ teşebbüsi ile olıp keçti.

Er yıl Qırımda sürgünlik kününe bağışlanğan kütleviy tedbirler keçirile edi, şu cümleden matem mitingi. Amma 2014 senesi mart ayında Rusiye yarımadanı işğal etken soñ böyle bir tedbirlerniñ Aqmescit merkezinde keçirilmesi yasaq etildi. Qırımtatar Milliy Meclisi bildirdi ki, Qırımdaki regional meclisler Rusiye kontroli altında bulunğan akimiyet mayıs 18 qırımtatar sürgünligi yıllığında matem tedbirleriniñ keçirilmesine izin alamaylar.

Bundan sebep Meclis yarımadadaki semetdeşlerine hatıra yerlerinde sürgünlik qurbanlarını dua ile añmağa tevsiye ete.

1944 senesi yarımadan Orta Asiyağa qırımtatarlarnıñ birinci eşelonı yollandı. Cemi olaraq tahminen 180 biñ insan sürgün etildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG