Link açıqlığı

Saatnıñ esas haberi

Kliçko Jamalağa Tyson Fury ile Vladimir Kliçkonıñ uruşından evel Ukraina gimnini yırlamağa teklif etti


Jamala
Jamala

Kyiv şeeriniñ yolbaşçısı Vitaliy Kliçko «Eurovision» yarışınıñ ğalibi Jamalağa Vladimir Kliçkonıñ Tyson Fury ile uruşından evel Ukraina gimnini icra etmege teklif etti, uruş iyül 9-da Britaniya Manchesterde olacaq. Bunı o, mayıs 17-de Jamalağa körüşüvde ayttı, dep haber ete Kyiv şeeri devlet memuriyetiniñ matbuat hızmeti.

«Sen Moskvada Volodya Povetkin ile uruştan evel gimnni ayttıñ. Mence, bu sefer de bu büyük timsal olacaq», – dep qayd etti Kyiv şeeriniñ yolbaşçısı.

«Jamala onıñ için şeref olacağını ayttı», – dep aytıla matbuat hızmetiniñ haberinde.

«Devlet ve şeer için daa yahşı reklamanı uydurmaq zor», – dep qayd etti Vitaliy Kliçko Jamalanıñ ğalebesi aqqında aytqanda.

Jamala 1944 senesi qırımtatar halqı sürgünligini añlatqan «1944» yırınen mayıs 15-ke keçer gecesi İsveçiyanıñ paytahtı Stockholmde olıp keçken «Eurovision» yır yarışınıñ finalında ğalebe qazandı. Ekinci yerni Avstraliya, üçünci yerni Rusiye aldı.

Ukraina prezidenti Petro Poroşenko Jamalağa «Ukraina halq artisti» unvanını berdi.

XS
SM
MD
LG