Ukraina ve Türkiye Silâlı quvetleri arasında İmplementatsion arbiy işbirligi planı imzalandı, maqsadı ise Ukrainanı 2020 yılğa qadar Şimaliy Atlantika Añlaşması Teşkilatında (NATO) azalığına azırlamaq, dep bildireler Silâlı quvetlerniñ baş ştabında.
Bu planda ameliy adımlar bulunmaqtadır, Ukraina Silâlı quvetleriniñ ameliyat imkânlarını arttırmaq içün yapıldı, dep aytıla beyanatta.
«Ameliy tedbirlerniñ arbiy saada işbirliginiñ bir taraftan cenüp qomşumz ile bağlarımıznı quvetleştirmek içün imkân berir, başqa taraftan ise soñki maqsadımızğa iriştirmek, Ukrainanı 2020 yılında NATO azalığına azır olğanı içün butün küçlerimizni yönetmek mümkün olur», – dep ayttılar Ukraina Baş ştabında.
Plan 2020 senesine qadar eki devletnıñ silâlı quvetleri arasında arbiy işbirliginiñ yöneliş ve saasını açıq tayin ete, içinde ise: islâat ve qorçalama planlaştırma, maarif ve ordularnıñ azırlaması, tevsiye-muşavereli yardım, silâlı quvetler çeşitleriniñ arasında işbirlikler ve ilâhre.
Keçken afta soñunda Ukraina ve Türkiye Qara deñiz baseyinde de areket planlarını azırlamağa añlaştılar. Arbiy- tehnikiy işbirligi, logistik teminlev, şahsiy terkipni azırlama, arbiy-sanayı kompleks saasılarında işbirligini terenleştime aqqında añlaşma da yetişti.
Ukraina ve Türkiye arasında bağlar soñki aylarda faalleşti. Rusie arasında zıddiyet artqan soñ Türkiye Ukrainanıñ topraq bütünligini ve Rusiye tarafından qanunsız Qırım işğalini ve onıñ Ukraina şarqına qarışuvını halqara toplulıq ile nazar noqtanı tuta, amma bunın içün Rusiyege qarşı sanktsiya da çıqarmadı. Türkiye ekinci yıl şarq uruşlarda yaralanğan ukrainalı askerlerniñ qorantalarnı raatlıqqa ala; bu yıl aprelde bu program boyunca Ukrainadan 186 aile qabul etildi. Türkiyenıñ qırımtatarlar ile de sıqı bağları bar, büyük qısmı anda asırlar devamında yaşay, ve olarnıñ işğal altında aqlarnı qorçalamaq içün çıqa.
